Shillong, Lber, 21: Ka Kashari jong u Chief Judicial Magistrate, East Jaintia Hills District, ka la daiñ kuna T.1300 kum ka jingpynshitom ïa u Sanki Lamurong hadien ba la lap sabut ba u la pynkheiñ ïa ka Section 352/323 jong ka Indian Penal Code (IPC).
Ka Kashari ka la daiñ kuna ïa u Sanki Lamurong T. 400 halor ka jingpynkheiñ ïa ka Sectoin 352 bad T. 900 halor ka jingpynkheiñ ïa ka section 323 IPC.
U Superintendent of Police jong ka East Jaintia Hills District ha u kyrwoh u la pyntip ba ki Pulit ki la register case ha Khliehriat Police Station ha u snem 2019 hapoh ka kyndon 341/352/323 jong ka IPC bad ïa ka jingtohkit la bynshet ha u UBSI. L. Kharsyntiew.
Hadien la pyndep ïa ka jingtohkit la pynngat kyndon ha ka 7 tarik Kyllalyngkot, 2020. Ynda la pyndep ïa ka jingbishar ka kashari ka lap ba u Sanki Lamurong u la pynkheiñ aiñ bad kum ka jingpynshitom la daiñ kuna ïa u.
