Shillong, Jymmang 03: U Chief Executive Member ka KHADC u Bah Shemborlang Rynjah bad ka kynhun MDC kila leit ban ïakynduh ïa u lat ka jylla u Chandrashekhar H. Vijayashankar kum ka dak jong ka jingburom ïa u.
Ha kane ka jingleit u CEM jong ka KHADC u la ïalam ia ka kynhun jong ki MDC kiba don ha ka bor synshar ha KHADC bad ha kane ka jingïakynduh la ai ruh ïa ka jingthoh sha u lat ka jylla ha kaba kila tyrwa ïa ka kyrteng jong u Bah Mathew Makdoh ban long u MDC ba shut seh ha KHADC.
Ka jingleit jong ki MDC sha u Lat ka jylla ka long kum ka jingleit ban ai khublei namar ba naduh ba la ïoh ïa ka Executive Committee ha KHADC kane ka dang long ka sien kaba nyngkong na ka liang ka EC ban ïa kynduh ïa u Lat ka jylla ban leit ai khublei ïa u.
