Jowai, Ïaïong 19: Ka Jaiñtia Hills Development Society (JHDS) ha ryngkat ka jingïatreilang bad ka KHUBLEI GERMANY ki la pynlong ïa ka jingai dawai ei Free Check-Up Camp ha ka shnong Saphai West Jaiñtia Hills ha kane ka 18-04-2026.
Ha kane ka jingai dawai ei la wan ïa shimbynta kumba 600 tam ki nongshong shnong ka shnong Saphai bad kiwei de ki shnong ba marjan.
Kane ka Camp ki kynthup ïa ka check up ïa ki khmat, ki bniat, ki general check-up, x-ray, screening ïa ka HIV bad kiwei de ki jingai jinghikai halor ka koit ka khiah la pynlong ha katei ka sngi.
Na ka liang u Rangbah shnong jong katei ka shnong ula ïaroh ïa kitei ki artylli ki seng kiba la shim ïa katei ka sienjam ban shakri ïa ki thaiñ nongkyndong.
La pynphuh pynphieng shuh shuh ïa katei ka sngi da ka jingïadonlang u President ka Khublei Germany u Gerhart Albert, u Director ka JHDS u Fr. Manbha Pakem, u Coordinator ka JHDS u Bah Denis Kurkalang bad kiwei de ki Staff jong ka JHDS.