Shillong, Naitung 31 : Ka Akashvani Shillong ha ka sngi Balang ka la shim bynta ha ka ‘Gift A Radio Campaign’ ba la pynlong da ka Zonal Office Guwahati. Kane ka jingïawer ban sam ïa ki radio set sha ki nongsngap ba tista jong ka Akashvani ka long kum shi bynta jong ka jingrakhe ïa ka jingsdang jong ka Radio Station kaba nyngkong eh ha ka Thaiñ Shatei Lam-Mihngi ha ka 01tarik Naitung, 1948.
Ki nongtrei jong ka Akashvani Shillong ki la ai sngewbha da ki radio set sha ki katto katne ngut ki nongsngap bad ruh sha ki seng trei mon sngewbha.
Katto katne ngut na ki riewpaidbah ruh ki la noh synniang sha kane ka campgain da kaba ong ba ka radio ka long ka jingai sngewbha kaba don jingmyntoi na bynta kiba ieid ba thoin.
