Shillong, Naitung 31: Ki Regional Committee ïa pynbeit pud hapdeng ka Meghalaya bad Assam, ki la ïoh por biang haduh u bnai Nailur 2024 ban aiti ïa ki kaiphod shaka Sorkar Jylla.
ïa kane la pyntip da u Myntri Sorkar u Bah Paul Lyngdoh uba dei ruh u Chairman ka Regional Committee jong ka West Khasi Hills.
“Ngi la ïoh por biang ban aiti ïa ki kaiphod shaka Sorkar Jylla haduh u bnai Nailur 2024” ong u Bah Paul.
U Bah Paul ula ong ba haba ïadei bad ka West Khasi Hills, ka Committee kala phah buh ïa ka tarik kaba pdiang da ka Sorkar Assam ïa kaba la phah ktien sha u DC Kamrup, na ka bynta ban pynlong ïa ka jingleit jurip ïa ki jaka haki thaiñ khappud.
“Hadien ba la ïoh ïa ka tarik kaba biang, ka Regional Committee West Khasi Hills Meghalaya bad ka Regional Committee Kamrup Districtb Assam, kin sa leit jurip ïa ki jaka bad ïa ki shnong ha ki thaiñ khappud hashuwa ban pynkhreh bad aiti ïa ki kaiphod sha la ki Sorkar Jylla” ula ong.
