Da ki phew tylli ki shnong ba duh ki Transformer ha WKHD, ap ka jingeh ïa ki khynnah skul ba la jan exam

Nongstoiñ, Naiwieng 4: Ka jingeh kaba khraw ka ap ïa ki khynnah pule bad samla pule ka exam ka la jan, namar haduh mynta ki shnong kiba la duh Transformers ki long Mawkhlam, Siejlieh, Shohphria, Khyllem bad kiwei.
Shuh shuh la ong ba kumba 9 tylli ki shnong ha Nongstoiñ Division bad 11 hapoh Riangdo Division, ki don ki shnong kiba la duh ki transformer, kata katkum jingïathuh u EE ka MePDCL West Khasi Hills.
Na ka liang HYC West Khasi Hills District hapoh ka jingïalam u Samla Wantei Lyngdoh Secretary, ki la ïakynduh ïa u EE Kharwanlang, ha kaba u la ïathuh ba haduh mynta kim pat ïoh palat 20 tylli machine katkum ka jingdonkam.
Halor kane ka juh ka phang ka seng ka la dep ban ujor ruh sha u Deputy Commissioner ban shimkhia, ha kaba u DC ruh u la kular ban leh ïa kaba donkam, khnang ba kan ym long ka jingthut ïa ki paidbah khamtam ki khynnah skul.