Jowai, KyllaLyngkot 07: Ka Indian Red Cross Society (IRCS) West Jaiñtia Hills District ha kane ka 6 tarik u Kyllalyngkot kala ïoh ban sam da ki nep kup syiad sha ki longïing ba duk jong ka shnong Shnong Chilliang Raij, Jowai haka jingïalang ba la pynlong ha ophis treikam jong ka Dorbar Shnong.
Ha kane ka sngi ba sam ïa kitei nep kup syiad sha ki longïing ba duk la wan ban ïadonlang da u Cheini W Niangti kum U Convener Auditorial Board Chilliangraij, u ma Heisar Shylla Assistant General Secretary lem bad ki nongkitkam shnong.
Katba na ka liang u Oriland Shylla (Life Member ka IRCS) kam juh ruh uba dei u Treasurer jong ka Society haka jingkren lamphrang ula pynsngew halor ka jingthmu jong kane ka seng kaba trei naka bynta ban ai jingïarap kyrpang ïa kiba shem shitom bad kiba ïa kynduh jingeh haka jingkyrduh.
Ha ka juh ka por ula khot lang ïa kino kino kiba don mynsiem ban ïatreilang ba kane ka seng, ki lah ban pynrung kyrteng kum ki Life Member da kaba kin pyndap ïa ki form bala buh.
Hadien jong kane ka jingïalang ba lyngkot la pynlong ïa ka jingsam ïa kitei ki nep kup syiad sha ki khun jong ka shnong Chnong Chilliang Raij da ka Indian Red Cross Society.
