Jowai, Naiwieng 16: Shi bynta na ka sngi kyrpang jong ki Nongthoh Khubor ne ka ‘National Press Day’ na ka liang ka West Jaiñtia District Sports Association (WJDSA) mynta ka sngi 16 tarik u Naiwieng kala ai sngewbha da ki Jackets sha ki nongthoh khubor ka sor Jowai.
Kane ka long shi bynta kum ka dak ban ai mynsiem ïa ki nongthoh khubor kiba la don bynta lang ha ka ban ai jingtip lem ki kam ïalehkai Sport bad ban pynkiew ïa ki khun samla kiba don ka sap shisha ïa ka sap ka phong ha ki kam ïalehkai bapher bapher hapoh ka District.
Ïa kane ka jingsam sngewbha la lam khmat da u Hony. General Secretary ka WJDSA ma Lammat-oo Laloo ha ka jingïadonlang ki dkhot jong ka WJDS Association.
U ma Laloo ha ka jingkren ula pynsngew ba ka Association kala don jingmut ban leh ïa kane naduh kine ki por hynrei mynta ka sngi kaba dei ka sngi kyrpang jong ki nongthoh khubor kila leh noh mynta ka 16.11.2022.
Ula buh ka jingkyntu ba kane ka jingïatreilang hadpeng ki nongthoh khubor bad ki bor pynïaid jong ka Association kan dang ïaid bteng ha kine ki sngi ban wan.
