Da ki hajar litre kurup kyiad be-aiñ ha ka jingkhynra ki Pulit naduh Polo sha Demseiñïong

Shillong, Naiwieng 27: Mynta ka sngi ki pulit jong ka nongbah Shillong ki la pynlong ïa ka jingkhynra kyiad ba die beaiñ naduh Polo shaduh Umkaliar bad ki la ïoh ban kurup ka kyiad pyrsi bad kyiad phareng, beer da ki hajar litre.
Na ka liang jong ki pulit kila pyntip ba ha kine ki 72 kynta kila ïoh ban kurup haduh hynniew hajar litre ka kyiad pyrsi bad ar hajar litre ka kyiad pahreng, kane ka jingkhynra ka long ban khanglad ïa ki nongleh kam sniew ban pynthut ïa ka suk ka saiñ ha kane ka nongbah. Namar bun ki kam pynkulmar ki mih ne jia hadien ba ki briew ki la dep die shongshit bad sa thaw ki jingkulmar bapher bapher.
Na ka liang jong ki pulit ka nongbah kila sngewthuh ba katei ka jaka ka dei ka jaka die kyiad beaiñ kaba jur bha bad mynta ki kwah ban pynkhuid ïa kane ka jaka na kane ka jing ïa die kyiad beain ha katei ka thaiñ.