Shillong, Nailar 02: U Deputy Commissioner jong ka East Khasi Hills District u la pynmih ïa ka jingpynbna ba ha ki saw tylli ki jaka ïeng kali, Mawkhar, Wahtahpbru, GS Road bad Jaïaw Langshning yn pyndonkam noh da ka ‘Electronic Ticketing Machine (ETM)’ ïa kito kiba pynïeng kali ha kitei ki jaka.
Ha ka kyrwoh khubor u Deputy Commissioner jong ka East Khasi Hills District la ong ba la pynmih ïa kane ka jingpynbna katkum ka jingbthah jong u Director ka tnad Pynroi Sor kaba la pynmih ha ka 28 tarik u Naitung, 2026 katkum ki jaka kiba la bthah na ka ophis jong ka tnad Pynroi Sor.
Katkum ka jingong jong u, ki jaka kiba yn pyndonkam ïa kine ki machine ban ai slip sha ki jaka ban pynïeng kali kan long ha kine ki jaka kiba hap ha ka bynta jong ka Wahthapbru, ka GS Road, Motphran, katba ka Mawkhar ka don lai bynta, ka Mawkhar A, Mawkhar B bad Mawkhar C, katba ka Jaïaw Langshning kaba don ar bynta, ka Jaïaw Langsning A bad Jaïaw Langsning B.
Shuh shuh ha kane ka jingpynbna ka ophis jong ka tnad Pynroi sor ka la jer ruh ïa ki kyrteng jong ki nonglum bai ïeng kali, ki number phone jong kiba dei ban ai ïa ki slip ba ïeng kali ka ophis ka la kdew shai ïa kane ka bynta na ka bynta ka bha ka miat lang jong baroh kiba pyndonkam ïa kitei ki jaka ïeng kali.
