Mawpait Tlongpleng, Kyllalyngkot 09: Ka Mawpait Tlongpleng sports & Cultural Club ha ka 8 tarik u Kyllalyngkot 2024 ka la pynlong ia ka jinglehkmen pdiang snem thymmai bad ki hep kiba rit hapoh ka shnong da ki jingialehkai kiba pher bapher kum ka RUN FOR FUN, PENALTY SHOOT OUT, HIT THE TIN, SACK RACE, CARROM BOARD, SWEET MEAT GAME, IN & OUT GAME bad ka TUG OF WAR.
Ia kitei ki jingialehkai la phiah da ki House kum ka SNGAP SING SYIEM HOUSE, TIROT SING SYIEM HOUSE, WICKLIFFE SYIEM HOUSE bad ka KIANG NANGBAH HOUSE. Baroh khoit kitei ki jinglehkai ki la pynkmen bad pynshongshit ia ki hep kiba rit.
La sdang ia ka jinglehkai da ka RUN FOR FUN ha ka por mynstep da ka jingduwai ba la ialam da u President ka MTS&CC Kromlin Shylla.
La pynhap pyrda ia kane ka jinglehkai Winter Games da u Myntri Bah Donboklang Kharlyngdoh uba la pyrto ia ka MTS&CC kaba la ju pynlong ia kane ka jinglehkai man la u snem. U la sneng la kraw ia ki hep kiba rit ba kin long kiba smat kiba sting ha ka pule puthi , kiba kohnguh ia la ki kmie ki kpa bad kiba tip iu Blei Nongbuh Nongthaw kumjuh ruh u la hikai ba kin long ruh kiba lehkhuid ia la ka shnong ka thaw.
Ha kane ka Sngi u Myntri u la ioh ban ai ka jingai sngewbha sha ki longkmie jong ka shnong da ki tapmoh khlieh, kumjuh ruh sha ki hep kiba rit kiba pass bha ha ka Examination jong u snem 2023.
Ki Point ba la khur da ki House ha kane ka jingialehkai ki long kumne “WICKLIFFE HOUSE=110 POINT“TIROT SING HOUSE=120 POINT“SNGAP SING HOUSE=180 POINT“KIANG NANGBAH HOUSE=370 POINT.
Ia ka Trophy bad song pisa kaba rit la aiti sha u Captain ka KIANG NANGBAH u Mangkara Snaitang da u Myntri, bad ia ka kynhun kaba ar ka SNGAP SING SYIEM la aiti da ka song pisa kaba rit eh, sha ka Captain ka Mawlynnai Snaitang.
