Da ka Winter Football Coaching Camp yn pynlong u DSO ka Ri-Bhoi ban ai jinghikai ïa ki khynnah

Shillong, Kyllalyngkot 30: Ka Ophis treikam jong u District Sports Officer ka Ri-Bhoi District ha ka jingïatreilang bad u Deputy Comissioner, Ri-Bhoi District, kan pynlong ïa ka prokram ai jinghikai kaba la tip ‘Winter Football Coaching Camp’ kyrpang na bynta ki khynnah shynrang bad kynthei jong ka thaiñ.
Ha kane ka prokram yn pdiang ïa ki khynnnah kiba naduh 13 haduh 16 snem (na bynta baroh shynrang & kynthei). ïa kane ka ‘Winter Football Coaching Camp’ yn sdang naduh ka 03 tarik u Rymphang shakhmat, ïa kaba la pynkhreh ban pynlong ha ki san tylli ki madan ïalehkai kiba hap hapoh ka District.
Ki madan ba la buh ban pynlong: Jatah (Mawhati), Mawtnum – (Nongpoh), Kyrdem – (Bhoirymbong), Mawlasnai – (Mawhati) bad ha Lawbyrwa – (Umsning).