Da ka “Sohra Half Marathon 2022” yn pynïamareh ka MAA

0

Shillong, Naiwieng 17 : Ka Meghalaya Athletics Association (MAA) bad ka Meghalaya State Olympic Association (MSOA) ha ryngkat ka jingïatreilang ryngkat ka tnad Directorate of Sports & Youth Affairs kan sa pynlong ïa ka “SOHRA HALF MARATHON 2022” ha ka 17 tarik Nohprah 2022. Ïa katei ka jingpynïakob ïamareh yn sdang na Mawklot. Yn pynïalehkai ruh da ka RUN FOR FUN kaba 5km ïa kaba la pynkhreh ruh da ki takma ïa ki nongjop bad la pynkhreh ruh ka khusnam song pisa kaba 11 lak tyngka ban sam sha baroh ki nongjop.
Ka jingpynrung kyrteng kan long lyngba ka online bad ka dor ka long 200 tyngka marwei. Ïa kane ka marathon yn pynlong ha ryngkat ka jingïatreilang bad ka Athletics Federation of India, bad ïa ki jingtip ba kham bniah yn sa pyntip pat hadien. Kane ka long katkum u kyrwoh khubor na u Bah Finely L. Pariat uba dei u Organising Secretary bad General Secretary ka Meghalaya Athletics Association.

Leave A Reply

Your email address will not be published.