Nongpoh Risaw 21: Kum Shi bynta ban rakhe ïa ka World Water Day ka tnad PHE, Ri Bhoi District haka jingïatreilang bad ka ophis u DSO mynta ka sngi kila pynlong daka jingïakop mareh marathon kaba jngai kumba 5 km bala sdang naduh Indoor Stadium Saiden, bad pynkut ha Indoor Studium Nongpoh.
Ha katei ka jingïamareh thong la sakhi ruh ba da ki spah ngut ki nongshong shnong ka Ri-Bhoi naduh ki khynnah, samla bad rangbah kila shim bynta shitrhem ha katei ka jingmareh thong bala sdang naduh ka por 6 baje mynstep.
Ki nongjop ha kane ka jingïakop mareh marathon haka kyrdan kiba 6 snem shaneng haka liang ki shynrang ïaka nam lahduh la rah da u Monas Bongrung haka kyrdan ba ar la ioh rah da u Lapynkhraw Thabah, bad u Bansinglang Marngar haka kyrdan ba lai, katba haka liang ki kynthei ka Barisha Khymdeit kala rah ïaka nam lahduh, ka Sildaris Makri haka kyrdan ba ar, bad ka Inocent Lamare haka kyrdan ba lai.
Haka kyrdan kiba 15 snem shapoh haka liang ki shynrang haka kyrdan ba nyngkong la ioh rah da u Lambha Nongrum, haka kyrdan ba ar Imbanroi Thangkhiew bad u Fernando Thabah haka kyrdan ba lai bad haka liang ki kynthei haka kyrdan ba nyngkong la ioh rah da ka Therisa Bongrung, haka kyrdan ba ar ka Riti Bongrung bad ka Phyllaris Rongrin haka kyrdan ba lai.
