Shillong, Jylliew 07 : Ka Meghalaya State Olympic Association ha ryngkat bad ki nongkilan met jong ka pyrthei (Olympic Sports Community) kin rakhe ïa ka Olympic Day 2023 da kaba pynlong ïa ka 4th Edition Shillong 10K Run 2023 ha ka 24 tarik Jylliew 2023 naduh ka por 6:30 mynstep na JN Stadium Gate 1, Polo Ground, Shillong.
Ka lynti mareh kan sdang na JN Stadium Gate No. 1 – Polo Bazar –4th Furlong – B.K.Bajoria Junction – B.K. Bajoria – PGT College – Shillong Commerce College – Shillong College – Don Bosco Square –Laitumkhrah Police Point – Laitumkhrah Police Beat House – Fire Brigade – St Edmund’s School – Dhankheti – Malki Point – Barik Point – Civil Hospital –State Central Library – Meghalaya Secretariat – DC Office –Governor House –sha Wards Lake – CM Bungalow – Polo Tower – Polo Bazar bad kan kut ha JN Stadium Gate No. 1.
Ki khusnam nongjop ki long 1st Prize 7,000, 2nd Prize 5000, 3rd Prize 3,000 nangta ki consolation prize ba 4 haduh ba 8 mar 100 tyngka. Kan don ruh ka khusnam na ka bynta ki nongïalehkai ba lah heh ka karta kiba pyndep ha ka Top Five (50+year). Kiba kwah ban ïashim bynta kin hap ban thep kyrteng khlem da donkam jingsiewda kaba leit ha ka official website jong ka MSOA ka www.meghalayaolympicassociation.com/Olympic-day-run.
Ka rta ïashim bynta ka long kiba 18 snem shynrang bad kynthei. Ka sngi khatduh ban thep kyrteng ka long ha ka 20 tarik Jylliew 2023 naduh ka por 5.30 mynstep, ha ka 24 tarik Jylliew 2023 ka por sdang kan long ha ka por 6.30 mynstep.
