Da ka jingpynïakob shad bad rwai pynlong ka Mawsna S&CC ha ka Valentine’s Day

0

Shillong, Rymphang 14 : Kum shi bynta ban lehkmen ïa ka sngi jong ka jingïa ieit mar kylliang ne ke valentine’s Day kaba la ju pynlong ha ka 14 tarik Rymphang manla u snem, ka Mawsna Sports & Cultural Club ha ka sngi Ba ar ka la pynlong da ka jingpynïakob shad bad rwai ha ka shnong Ïewrynghep, Mawkynrew C&RD Block, EKHD.
Ha kane ka prokram la ïadonlang u Bah Olet Kharsahnoh uba dei u Sordar jong ka Shnong Jongksha kum u Kongsan, ka Kong Amanda Pakynteiñ kaba dei ka Chairperson jong ka Mawkynrew Cup Committee kum ka Symbud Kongsan, Bah Kordor Pyngrope Sordar Shnong Ïewrynghep, ki riew rangbah longkmie longkpa, ki samla kynthei bad shynrang haduh ki hep kiba rit.
Ka Mawsna S&CC ka la ïoh ban pynlong ïa kane ka prokram lyngba ka jingkyrshan pisa da ka Yess Meghalaya ha ryngkat ka phang pdeng kaba ong “Ka sngi jong ka jingai jingieit Mar kylliang”.
Ha kane ka jingïakob ki la don 12 ngut kiba la ïashim bynta kynthup naduh ki samla haduh ki hep kiba rit. Ïa ka nam jop ba nyngkong la ïoh da u samla Dawadhok Pyngrope, ïa ka nam ba ar la ïoh da Darimeka Mynsong, u Conbestar Mynsong ïa ka nam ba lai bad ïa ka nam ba saw la ïoh da u Rahul Mynsong.

Leave A Reply

Your email address will not be published.