Jowai, Jylliew 23 : Kum shi bynta ban ïaleh pyrshah ïa ka jingdih bad khaïi Drug ne ka sngi rakhe ïa ka International Day Against Drug Abuse and Illicit Trafficking 2026 ka District Administration bad ka District Social Welfare Officer, West Jaiñtia Hills District haka jingïatreilang bad ka ophis District Sports Officer, West Jaiñtia Hills District kin sa pynlong ïa ka jingïamareh Marathon ha ka 25 tarik mynta u bnai.
Kane ka jingmareh ka dei ka open category na ka bynta ki kynthei bad ki shynrang. Ïa ka jingmareh yn sdang na Main Gate jong ka Kiang Nangbah Stadium ha ka por 5:30 baje mynstep.
Ka lynti ban mareh kan long na Main Gate Kiang Nangbah Stadium (Starting Point) sha Ladthalaboh Main Rod – Kiang Nangbah Govt College – By Pass – Myntdu Bridge – Amlarem By Pass – Stand War – D.C. Office – New Hill – National Highway – Kiang Nangbah Indoor Stadium (Finishing point).
Kumta na ka liang ki bor pynïaid District (District Administration) ka khot ïa ki nongshong shnong ban wan ïashim bynta ha kane ka jingïamareh. Kan don ruh ka jingsam khusnam sha ki nongjop. 1st Prize kan long Rs.7000/-, 2nd Prize – Rs.5000/- bad ka 3rd Prize – Rs.3000/-.
Kane ka long katkum ka kyrwoh khubor ba la pyllait da ka District Sports Officer, West Jaiñtia Hills District kong Linza F. Syiem.
