Shillong, Nailar 12 : Kum shi bynta ban rakhe ïa ka jingdap 75 snem ka jingïoh jinglaitluid ka ri India, ka Lama Villa Yoga Health Benefits Club (LVYHBC) kan sa pynlong da ka jingïalehkai Yoga kaba la tip kum ka Open Yoga na bynta ki khynnah kiba naduh 7 haduh 15 snem ka rta.
Ïa katei ka jingïalehkai kilan met, yn pynlong ha ka 15 tarik Nailar kaba dei ruh ka sngi rakhe da 75 snem ka jingïoh jinglaitluid ka ri India ïa kaba yn pynlong ha Lama Villa Community Hall, kaban sdang naduh ka por 7:30 baje mynstep.
Ha katei ka sngi ka Kong B. Lamare kaba dei ka Principal jong ka Seiñ Jaintia Morning Secondary School, Shillong, kaba dei ruh ka Vice President jong ka Ka Seng Longkmie Dorbar Shnong Lama Villa, kan don lang kum ka kongsan.
Kane ka long katkum u kyrwoh khubor na u S. Biswa Secratary ka Lama Villa Yoga Health Benefits Club (LVYHBC).
