Shillong, Nailar 31: Kumba 704107 lak ngut ki nongwan jngohkai pyrthei ki la wan sha Meghalaya naduh u bnai Kyllalyngkot haduh u bnai Jylliew ha une u snem, ong u Myntri ka tnat ki kam Jngohkai ka Sorkar jylla u Bah Paul Lyngdoh.
U la ïathuh ruh ba kumba 1024864 ki nongwan jngohkai ki la wan sha ka jylla ha u snem 2022 bad kumba 1422647 ngut ha u snem 2023.
Ïa kane la ïathuh da u Myntri ka tnat ki kam Jngohkai u Bah Paul Lyngdoh ha ka sngi ba kut jong ka Dorbar Synrai ha ka sngi Thohdieng.
Ïa kane ka jingkheiñ la shim hadien jong ka jingwan tuid jong ki briew kiba wan jngohkai sha kane ka jylla kaba la pynkhreh ruh da u Myntri ka tnat ki kam Jngohkai u Bah Lyngdoh.
U la ïathuh ruh ba ka tnat kam shim ïa ki khajna na ki hynrei ka la lum tang lyngba ka GST na ki hotel.
