Shillong, Rymphang, 13 : Ka Meghalaya ka la shem jingeh ha ka sngi kaba ar ha ka pali kamai ron ha ka jingïakhun pyrshah ïa ka Vidarbha jong ka lympung ïalehkai U-25 Col CK Nayudu Trophy bad ka la duh noh saw wicket ha ki phra over kiba khatduh.
Ka Vidarbha haba bteng biang ïa ka pali tied ba 129 ron duh noh 1 wicket da kaba lamkhmat da 3 ron hadien ba ka Meghalaya ka kamai 126 ron ha ka inning kaba nyngkong bad shah pynkhyllem lut baroh ki wicket.
Ka Vidarbha ka la lah ban pyndep ha kane ka sngi Nyngkong, da ka jingïoh kamai ar tylli ki century kata u Mokhade u kamai 265 ron bad u Danish Malewar 205 ron (not out) ha kaba ka Vidarbha ka la kamai 542 ron duh noh 2 wicket bad lamkhmat ïa ka Meghalaya haduh 416 ron. Kiba la khur wicket na ka bynta ka Meghalaya ki kynthup u Anish Charak (1/82) bad u Manish Sharma (1/161). Ha ka inning kaba ar, ka Meghalaya ka kamai 18 ron duh noh 4 wicket bad kan hap ban beh pat sa 398 ron ïa ka Vidarbha.
