Shillong, Lber 19 : Ka Royall CC ka la pynliem noh da 3 wiket ïa ka Nongmensong CC ha ka Shillong Cricket League Super Division 2024 kaba long hynne ka sngi ha ka nongbah. Ha ka jingïakhun, ka Nongmengsong kaba tied nyngkong ka la ïoh ban kamai 212 ron la 9 wiket ha ki 45 over.
Na ki rangtied u Kush Agarwal u la ïoh ban kamai 65 ron an ki 103 bol bad u Anish Charak pat u ïoh ban kamai 36 ron na ki 41 bol.
Haba beh ïa ka thong, ka Royal CC ka la lah ban kamai 213 ron da ki 7 wiket ha ki 42.1 over. Na ki rangtied u Swastic Chetri u la ïoh ban kamai 66 ron na ki 95 bol bad u Raj Biswas pat u la ïoh ban kamai 46 ron na ki 38 bol.
Ia ka khusnam player of the match ha kane ka jingiakhun la ioh ban khur da u Abishek Kumar ka Royal CC uba la ioh ban khur saw wiket.
