Da 12034 Vote jop u kyrtong ka VPP na Mawkyrwat bad 13325 vote jop u kyrtong ka UDP na Langrin

Mawkyrwat, Rymphang 24 : Hadien ka jingkheiñ ïa ki slip jong ki nongwan thep vote ha ka 21 tarik u Rymphang, 2025 hapoh ki ar tylli ki Polling Station kata na ka 25 – Mawkyrwat bad 26 – Langrin District Council Constituency, u kyrtong jong ka Voice of the People’s Party (VPP) na ka 25- Mawkyrwat ula poi sha ka thong jong ka jingjop katba na ka 26 – Langrin pat la jop da u kyrtong ka United Democratic Party (UDP).
Haba kheiñ pat ïa ka jingïoh ïa ki vote jong ki kyrtong kiba jop bad kiwei de, na ka 25 – Mawkyrwat District Council Constituency, u bah Pynkhraw Kharjahrin u kyrtong ka Voice of the People’s Party (VPP) u ïoh 12034 vote, u bah Jessland Roy Nongsiej u kyrtong ka United Democratic Party (UDP) u ïoh 8486 bad u bah Carnes Sohshang u kyrtong ka National Peoples’ Party (NPP) u ïoh 8361.
Katba hapoh ka 26 – Langrin District Council Constituency ka jingïoh ïa ki vote ka long u bah Pius Marweiñ u kyrtong ka United Democratic Party (UDP) u ïoh 13325 vote, u bah Mandilos Nongbri u kyrtong ka National Peoples’ Party (NPP) u ïoh 10426 vote bad u bah Overlin Imiong u kyrtong ka Voice of the Peoples’ Party (VPP) u ïoh 5789 vote.