Shillong, Rymphang 13: Ka Young Guns ka la lah ban khur suk ïa ka jingjop hadien ba ka la lah ban pynliem kput haduh 140 ron ïa ka Golflink XI ha ka Shillong Cricket League First Division 2924-25 ba la pynlong da ka Shillong Cricket Association ha madan Urkaliar, Shillong, hynne ka sngi Palei.
Ka jingïalehkai ka la sdang ha kaba ka Golflink XI ka la aiti ïa ka Young Guns ba kan tied nyngkong kaba la lah ban kamai 229 ron shuwa ban khyllem noh baroh 10 wiket naki 39.5 ober. Kiba la trei borbah ban kamai ron ki long u Manthan Dey (63 ron naki 89 bol) bad u Aditya Singh (52 ron naki 37 bol).
U Abid Khan u la khur 3/41 naki 8 ober, katba u Pritam Singh u la khur 2/38 naki 8 ober ha ka bol na bynta ka Golflink XI.
Haba wanphai ha ka tied ka Golflink XI ka la shah pynkut noh tang na bynta 89 ron ha kaba ki rangkawang bol jong ka Young Guns ki la pyndep ïa ka kamram ban pynkhyllem baroh 10 wiket haka 19.5 ober. Ki nongtied kiba la kynjoh ïa ka phew ron ki long tang u Pritam Singh (42 ron naki 40 bol) bad u Abid Khan (11 ron naki 15 bol).
U Kenny Wanna (3/25 naki 5 ober) bad u Grish Ray u la khur (3/35 naki 6 ober) ki la ïoh ban khur mar 3 wiket kaba la pynthikna ïa ka Young Guns ban jop suk da 140 ron. ïa ka nam Player of The Match la khur da u Kenny Wann uba la kamai 17 ron ha ka tied bad khur 3 wiket ha ka bol.
