Shillong, Naitung 10: Ka Department for Promotion of Industry and Internal Trade (DPIIT), sorkar India, ha ka jingïatreilang bad ka Directorate of Commerce and Industries, sorkar jylla Meghalaya, da ka jingjop ka la pynlong ïa ka prokram SAMVAD, ki nongai ram bad na ka bynta ka kamai kajih ha ka 23 Jylliew 2026 ha Vivanta, Shillong.
Katei ka prokram ka thmu ban pyntip shaphang ka Uttar Poorva Transformative Industrialization Scheme (UNNATI) 2024, ha kaba ka pynïoh ïa ka lad ban bei tyngka ha ki kam lajong ha ka jylla Meghalaya bad la don ruh ka jingïatainia hapdeng ki nongseng kam lajong, nongbei tyngka, nongïoh jingmyntoi jong ki karkhana bapher bapher bad ki heh nongtrei sorkar.
Ha katei ka prokram, u Anindya Bhattacharya, Director, DPIIT, u la ban jur halor ka jingtreikam kane ka prokram pynshlur bei tyngka jong ka UNNATI skhim ha Meghalaya, da kaba pyntip ba la don haduh 101 ngut kiba la aplai tad haduh mynta, lem bad 73 tylli ki aplikeshon mynta.
Kane ka prokram ka pyni ruh ïa ka jingroi ka jylla Meghalaya ha ki kam lajong kynthup ïa ka jngohkai pyrthei bad ki hotel, kaba la pynkhring ïa ki nongseng kam lajong ba kin bei tyngka.
La don ruh ka jingïalang ban pyni ïa ki nongseng kam lajong bad ki nongbei tyngka ba kin ïakren markhmat bad ka DPIIT bad ki nongtrei jong ka sorkar jylla ha kaba ïadei bad kaban registar, ki briew ba long ban aplai, jingpynbiang ïa ki kot ki sla, jingïoh nong bad kiwei kiwei.
