Bun ki file kiba khlem pynphai ha kaba ïadei bad ka khajna ki Circle bapher bapher, ong ka kaiphod CAG

Shillong, Lber 16: Kumba 35,108 tylli ki case jong ka jingbym file ïa ki return ha kaba ïadei bad ka 1,244 kiba dei ban siew ïa ki khajna la lap ha ka snem 2017-18 haduh ka snem 2020-21 ha ki san tylli ki sample Circle katkum kaiphod ka MIS, ong ka kaiphod CAG.
Na kine ki jingpynbna ha ka GSTR-3A la pynmih tang ha ki 13,850 tylli ki case ha ki artylli ki Circle14 23 da u ophisar kaba long ruh katkum ka jubab ba la ïohpdiang na kine ki artylli ki Circle, ong ka kaiphod.
Shuh shuh u Superintendent of Taxes (ST), Circle VI u la pyntip ba ki jingpynbna la sam lyngba ka offline hynrei kam shym la don ka jingpynbiang. Ha kiwei pat ki artylli ki Circle15 24, kam don satia ka jingshim kam da u ophisar ba dei peit.
Ka kaiphod ka ong ba ka jingpynphai kaba dei khlem shym la shem hapoh ka file kaba ha ki 6,754 case (49 per cent) wat hadpeng ka jingai ïa ki jingpynbna (13,850 cases) ha ka Form GSTR[1]3A.
“Ka sut bad ka jingsiew slem ïa ka pisa kaba la kot T. 0.01 klur bad T. 0.13 klur la lah ban ïoh tang ha ka Circle I.
La ong ruh ba ki Jurisdictional officer ki khlem shim ïa ka jingsdang ban shim kam haba ïadei bad ka jingkheiñ bad ka jingpynduh ïa ki registration halor kine ki case.
Ïa ka audit observation la phah sha ka tnat ha u Nailur 2022 bad mynta dang ap ïa ka jubab kaba dei ha u Lber 2024.
La ïohi ruh ba na ki san tylli ki Circle, 3 tylli ki Circles16 25 ki khlem pyndep ïa ki scrutiny jong kano kano ka return ha ka snem 2017-18. ST, Circle VIII ka la leh ïa ka scrutiny tang ha ka snem 2020-21.
Na ka jingmih ka scrutiny, na ka 1,028 ASMT-10 la pynmih ha ki san tylli ki Taxation Circle, ki jingïapher la ong ba la pdiang sa ki nongsiew khajna tang ha ki 33 tylli ki case ha ki saw tylli ki Circle, kaba la wanrah ka jingmih ka pisa kaba long T. 0.33 klur. Ïa ki SCN la pynmih ha ki 83 tylli ki case ha Ri-Bhoi Circle, kaba kynthup ïa ka pisa kaba shongdor T. 11.12 klur ha kaba tang na ki 36 case kiba la lah ban pyndep kaba la ïoh ruh ka pisa T. 0.01 klur, ong ka kaiphod.