Shillong, K’lyngkot 17 : U MLA ka Mawryngkneng Constituency bah Pyniaid Sing Syiem ha ka Lah Sngi U Blei ula buh ïa u mawnongrim ban tei pynheh ïa ka ïing shong dorbar jong ka Dorbar Shong Lawjynriew Nongthymmai Shillong.
ïa ka pisa ban tei ïa kane ka ïing la ïoh lyngba ka skhim Chief Minister Development Fund, ha ka jinglut jingsep baroh ba kot T.15 lak, ïa kaba la ïoh pdiang ruh ïa ka pisa mar shiteng na kaba la mang.
Shen ka dorbar shnong kan sdang noh ïa ka jingtei ïa katei ka ïing dorbar naka bynta ka jingbit jingbiang jong ka shnong ka thaw baroh kawei.
Ha katei ka sngi, la ïadon ryngkat ruh ka kyrtong ka seng NPP ka ban ïakhun ia ka election MLA na Nongthymmai Constituency ka kong Jasmine Lyngdoh ryngkat u Rangbah Shnong u Bah SB Khashandi, ki nongkitkam shnong bad kiwei kiwei.
