Buh mawnongrim ka Jingïaseng Samla Balang Presbyterian Daistong ban tei ïa ka ophis treikam

Khliehriat Risaw 21: Ka Jingïaseng Samla Presbyterian Daistong, East Jaiñtia Hills District, hynnin ka sngi ka la buh ïa u maw nongrim ban tei ia kaophis treikam ha shnong Daistong, ïa kane ka ophis treikam kaba lai mala la tei ha ka jingheh kaba 1020 square feet.
Na ka liang ka Seng Samla Daistong ka la khot ïa u bah Bankupar Sutnga, uba na ka Balang Sutnga ban long kum u kongsan bad u symbud kongsan pat u bah Chiborlang Wahlang, uba na ka Balang Nongsning, hynrei na ki daw bym lah kiar kitei ki kongsan ki khlem lah ban poi bad kumta la aiti noh ha bah Da O Shwa Sutnga uba na ka Balang Latyrke ban shim ïa ka kam kum u kongsan u ba la plie ïa u maw nongrim,
Ïa ka prokram la pyniaid da u Chairman Jingïaseng Samla (JS) Daistong, u bah Shwa Patwet bad ha shwa ban sdang ïa ka jingialang la ioh jingduwai pyn kyntang na u Tbn. S. Sukhlaiñ, la ioh ïa ka jingkren pdiang burom na u Asst. Scretary Jingiaseng Samla, u bah Vesrperson Sutnga ha kaba la pdiang burom ïa baroh ki ba la wan sha kane ka program ba kynthup naduh ki Pastor, ki Tymmen Basan, ki Rangbah Balang, ki long kmie long kpa, kumjuh ruh kiba la shah khot kyrpang kiba na ki Balang bapher, kiba don hapoh u pud u sam jong ka Prebytery Sutnga bad ka District Nongkhlieh.
Na ka liang u kongsan, u la ai ki kyntien sneng kyntu ïa ki khun samla ka balang bad ong ruh ba ba ki Samla ki dei ka lawei ïa ka imlang ka sahlang kumta ki dei ban shimkhia ban ïa trei lang bad ki nongkitkam bad ban long kiba ïa sngewthuh jingmut bad iatylli kawei ha kano kano ka jingangnud ban trei ïa ka kam kaba bha khnang ba ka kam kan long kaba jop, kumjuh ruh u la seng kyntu ïa ki nongkitkam ba ki dei ban long kiba trei hok ïa ka kam ban ioh poi sha ka thong.
U Tbn H.Papeng, u la ai ka jingkren bad u la pynshai ruh ïa ka jingthmu ka Jingiaseng Samla ha ka jingiadei bad kane ka program.
Na ka liang u Rev. S. Langstang uba dei ruh u Pastor inchare jong ka District Nongkhlieh, u la ai ïa ki kyntien seng bad kyntu ïa ki khun samla .
Kiba la ai jingkren ki kynthup ruh u bah Silbinus Sukhlaiñ uba la ong ba ka long kaba donkam ban don ïa ka ophis treikam la ka jong na ka bynta ban ioh buh ïa ki tiar ki tar bad ki kot ki sla kiba donkam bad ong ruh ba ka jingdon ka Jingiaseng Samla ka long kaba bha haduh katta katta namar ki khun samla ki lait na ki kam sniew bad lait ruh na ka jingjot ka jingim.
Ha katei ka sngi ba plie ïa u maw nongrim, la ioh ruh ban sam ïa ki momento sha u kongsan bad sha kiba la shah khot kyrpang bad la ioh ruh ïa ka jingkren ai khublei na u Secretary Jingiaseng Samla Daistong, u bah P.W.Lamare uba la ai khublei ïa baroh kiba la poi sha kane ka prokram bad ong ruh ba ka jing don lang jong ki ka long ka jingai mynsiem lem ïa ka jingiaseng samla jong ka balang.
Ha shwa ban pynwai ïa ka prokram, u Chairman Jingiaseng Ssamla u la pynsngew ba ka Jingiaseng Samla ka ai khublei ïa kito kiba la noh syniang bad kiba la ai sngewbha sha ka Jingiaseng Samla bad ong ruh ba ka Jingiaseng Samla Daistong ka pdiang sngewbha ïa kino kino ki seng ne riew shimet kiba ai sngewbha da ki tiar ne da ka pisa palat ïa ka 6000/- shaneng na ka bynta ban tei ïa kane ka ophis treikam bad yn buh ne thoh ïa ka kyrteng bad jingai jong ki ha u mot sah jingkymaw jong ka Jingiaseng Samla.
Hadien katei ka jing kren ai khublei la ioh ïa ka jingdwai kyrkhu pynwai na u Tbn Ngeit Pajuh uba na ka Balang Bamkhosngi,