Nongstoiñ, Ïaiong 5: Ka seng HNYM ha ka sngi balang, ka la leit ruh ban ïakynduh ïa u Branch Manager jong ka Meghalaya Rural Bank kaba don ha sor Nongstoiñ, ban dawa ba kane ka bank ka dei ban buh noh ïa ka ATM Machine ha phyllaw jong ka ophis, ym ban shu buh beit tang hapoh ophis, namar ka la long pynban kum ba leit dro pisa haba la ïoh lad ban sei pisa tang ha ka por plie bank, ki paidbah ki shem jingeh.
Shuh shuh ka seng ka la dawa ruh ban phah ieng tang shi jaka ïa ka kali ATM, namar ki paidbah ki la ujor halor ka nongrim ba katei ka Mobile ATM ruh kam ju don ha sor Nongstoiñ hynrei ka leit kylleng ki shnong ki thaw.
