Shillong, Jylliew 26: Ka ophis Deputy Commissioner & Chairperson (DDMA), East Khasi Hills District, Shillong ha ka kyrwoh khubor ka la ai ki jingai jingmut na ka bynta ki jingshngaiñ ha ka por ba leit khwai bad ba leit sha ki rud wah bad ha kane ka kyrwoh ka la ong ba dei ban khmih bha ïa ka jinglong ka suiñbneng shuwa ban leit khwai doh lane sah kai ne ïaidkjat sharud ki wah.
Ka la ong ruh ba dei ban ïathuh ïa ki bahaïing ne ki paralok shano ba mut ban leit bad lano yn wanphai. Ka la ong ruh ba dei ban khmih bha ïa ka um namar ka lah ban kylla ha kano kano ka por.
Wat tur ruma sha ki jaka bym shngaiñ kum ki bynta ba jylliew jong ka wah, ki maw ba syntuid bad ki jaka ba jyrsieh.
Ka la ong badei ban phong ki jaiñphong ba pynper bad rah ki tiar ïada ryngkat bad ka synduk dawai. Ka la ong ba dei ban phong ki juti kiba ïadei ha wah bad bym pynsyntuid. La ong ruh badei ban khmih bha ïa ki maw harud wah namar ki lah ban syntuid khamtam ha ka por slap. Khmih bha ïa ka jinglong ka um shuwa ban khwai. Wat leit khwai marwei- leit ryngkat bad ki paralok. Wat dih kyaid ne jingdih ba pynbuaid ha ka por ba khwai dohkha. Wat jngi sha ki bynta ba jylliew jong ka wah.
