Bteng ka jingïaid rally ki khynnah skul ha Jowai ban ong ‘em ïa u duma’

0

Jowai, Jymmang 18: Ka Jylla Meghalaya ka dei kawei na ki jylla hapoh ka Ri India kiba bun eh ki briew kiba dih ïa u duma kum u Sikret, biri bad kiwei de, khnang ban ai jingtip halor ka jingsniew ne ki jair jingpang kiba lah ban mih na u Duma.
Na ka liang ka Meghalaya Tobacco Control Cell ha ryngkat ka Sambandh Foundation bad ka tnad pule puthi ka jylla “ban ong em ïa u duma” ne ka World No Tobacco Day 2023 mynta ka sngi Palei ki khynnah skul kiba bteng ïa kane ka jingïaid Rally Against Tobacco ha ryngkat ki pla Card bad ki jingpynta halor ka phang ka ba ong ong “My Meghalaya, Tobacco Free Meghalaya”.
Ïa kane ka Rally Against Tobacco la pynlong kyrpang na ka bynta ki khynnah skul naduh ki Lower Primary, Upper Primary, Secondary haduh Higher Secondary kaba la sdang naduh u bnai Ïaïong haduh ka 19 tarik Jymmang 2023. Hapoh ka West Jaiñtia Hills District ïa kane ka prokram la pynlong ha kylleng ki Block ba la shim bynta da ki khynnah skul kiba la khot ïa ki paidbah ban ïatreilang na ka bynta ban rad diengkhong ïa ka jingdih duma hapoh ka jylla hi baroh kawei.
Na ka liang ki khynnah skul kila shim bynta ha ryngkat ka riam ka beit hala ki jong ki jong ki jaitbynriew Khasi-Jaintia- Garo kaba la pyni ïa ka jinglong kyrpang jong ka jylla Meghalaya hi baroh kawei.
La ïathuh ba ïa kane ka prokram la pynlong ha ka dur jong ka jingïakop kaba kynthup naduh ki Block Level, District Level bad ka State Level ha kaba ki nongïashim bynta kin upload ïa ki dur ha ka link ba la dep phah sha baroh ki skul.

Leave A Reply

Your email address will not be published.