Shilllong, Ïaïong 2 : U Bah P.T Sawkmie, MLA barim u pynpaw ba u Chief Minister ka Manipur u N Biren Singh bitar kutlad namar ba u la duh ïa ka jinglong Chief Minister i kumba u sahnud sah bad u kren pyrshah sa ïa u Late PA Sangma ban ong ba ka jingkren jong u ha parliament ka wanrah ïa ka jingphiah ïa ki rit paid hapoh ka North East baroh kawei.
“Hynrei ka jingkwah u Late PA Sangma ka long ba ngi ki rit paid kiba don hapoh North East ban ïa long kawei,” ong u bah Sawkmie haba kren sha u nongthoh khubor.
U la bynrap, “Ka jingkren une u Chief Minister barim ka long ban pynhiar dor bad pynpaw pynban ïa ka jinglong jong u, ba wat ïa u briew u bym don shuh ha kane ka sla pyrthei u dang kren pyrshah.”
“Ki paidbah nongshong shnong ka Meghalaya baroh kawei ngi dei ban pynrem ïa ka jingkren jong u, namar ïa u Late PA Sangma la ñiew burom da ka ri India baroh kawei, khamtam ma ngi ki nongshong shnong Meghalaya,”
“Namar ma ngi ki nongshong shnong Meghalaya ngin nym klet ïa ki matti jong une u rangbah uba la trei ïa ka jylla baroh kawei,” ong shuh shuh u bah Sawkmie.
