“Bharat Mata ki Jai”, “Ha Ri Lajong Katba Mon” ki kyntien ai khublei sngi Laitluid ka BJYM

Shilong, Nailar 10: Ka Bharatiya Janata Yuva Morcha(BJYM), Meghalaya kaba dei ka tnad ki samla ka BJP ha ka sngi Balang ki la pynlong ïa ka jingïaid rally da ki ar shaka ha kylleng ki bynta ka Nongbah Shillong ban ai khublei sngi laitluid ïa ki paidbah. Ka BJYM ka la sdang ïa kane ka jingïaid rally la kaweh lama da u President ka BJP u bah Earnest Mawriew ryngkat u Bah AL Hek u Vice President jong ka BJP na ka ophis treikam jong ka kaba don ha Bivar Road, Shillong bad ïaid kylleng ki bynta ka Nongbah bad pynkut biang ha ka ophis treikam jong ka
Haba kren ha shuwa ban sdang ka jingïaid paidbah u Bah Earnest u la ong ba kane ka jingïaid rally ka BJYM Meghalaya ka long shi bynta ban rakhe ïa ka jingdap 75 snem ka jingïoh laitluid ka ri bad ruh ban ai khublei sngi laitluid ïa ki paidbah ka Nongbah Shillong bad ka jylla hi baroh.
Ha ka jingïaid Rally da ki ar shaka ki dkhot bad ki nongtrei ba shitrhem ka party ki la ai khublei bad risa kmen ha shilynter ka surok da ki kyntien Vande Mataram, Bharat Mata Ki Jai bad Ha Ri Lajong Katba Mon tad haduh ban poi biang ha ka ophis ka BJP.