Shillong, Jylliew 23: Ka Synjuk ki Nongñiah Taxi Sor bad Khapsor kynsan kynsan ha ka step 23 tarik u bnai Jylliew 2026, kila leit ban ïa ki kali rong stem kiba dei ki tourist taxi kiba knieh na ki local ban kit ïa ki nongleit nongwan ha Rilbong.
Kane ka jingbeh ki dribar Taksi ïa ki kali tourist,ki kali stem kadei beit mar pyrshah bad ka Trffic Point ha Rilbong.Ha kane ka step la don kumba 5 ne 6 tylli ki kali tourist kiba la shah beh.
Ha kane ka jingbeh ym dei ba ki dkhot jong ka Synjuk ki Nongñiah Taxi Sor bad Khapsor kam shym la dei satia ka ktien kaba khor hynrei kadei da kaba jai jai.
U President ka Synjuk ki Nongñiah Taxi Sor bad Khapsor u Bah Kmenlang Khonglah, haba kren sha ki nongthoh khubor u la ong ba kane ka jingleh jong ki tourist ka la ktah jur ïa kiba kamai local.
U Bah Kmenlang u la ong ba kane ka jingmih ka jingïapyrshah para ma ki bad ka jingmih jong ki sha surok, ka dei namar ba ka sorkar kam leh eiei ïa ki jaka jngohkai pyrthei ha kaba ki local kim ïoh ban kit ïa ki tourist sha ki jaka jngohkai pyrthei kiba don ha kylleng ka Jylla.
