Shillong Jylliew 21: Katkum ka khubor ba la ïoh na ki pulit la ïathuh ba ha ka 15 tarik mynta u bnai hadien ka jingïoh jingtip kaba thikna haba ïadei bad ka jingïaid jingïeng jong ki nong Bangla na baroh shilynter u pud u sam bym pat ker sainar shiah kumta ki pulit ki la ïoh bat ïa ar tylli ki kali kiba don u nombar AS-01-QC-2555 bad kawei AS-01-QC-9667 ha ryngkatlang bad 20 ngut ki nong Bangla bad 5 ngut ki khyllung khynnah najan ka Dawki boating point.
Ka khubor ka ïathuh ba kine ki bar ri ki dang mut ban leit sha Guwahati, Assam.
