Baroh ki MLA ka NPP ki hun ba pynrung ïa u Bah Paul kum u Myntri Sorkar ong u Myntri Rangbah

Shillong, Naiwieng 04 : U Myntri Rangbah ka Jylla, u Conrad K Sangma hynne ka sngi Balang u la pynshai ba ym don kano kano ka jingpyrshah hapoh ka NPP halor ka rai ban pynrung biang ïa u MLA ka West Shillong, u Bah Paul Lyngdoh sha ka Kynhun Myntri watla u dang wan pynïasoh shen sha ka party ha kine ki khyndiat sngi.
Haba kren sha ki lad pathai khubor ha ka sngi Balang, u Myntri Rangbah u la ong ba baroh ki MLA ka NPP ki la tip shaphang kane ka rai bad ki la pdiang ïa ka khlem kano kano ka jingpyrshah.
U la kubur ba ka jingkwah ban ïoh ïa ka shuki Myntri ka ju don ha baroh ki nongmihkhmat hynrei u la kam pat ba hapdeng kine, ka NPP ka pyni ïa ka jinglong ryntih bad ka jinglong ïatylli.
Shuh shuh u Myntri Rangbah u la ong ba ïa kane ka rai la shim da kaba buh hakhmat eh na ka bynta ka bha ka miat jong ka party baroh kawei bad ba baroh ki MLA ki la mynjur ïa ka.
Ha kajuh ka por u la pynpaw ba u sngewkmen ban ïohi ïa ka jingkyrshan jong ki MLA bad u la ong ba ki nongïalam kin bteng ban trei lang ban pynkhlaiñ ïa ka party.