Nongstoiñ, Naitung 08: Ka aïom slap ka la sdang ki lum ki them ki la sdang ban jyrngam hynrei tang shu sdang ka a?om tlang kaba dei ka por ba rkhiang ka mariang ka lip rong bad ka ring sdot haduh ba ym idon jingkyrmen shuh ba kan dang khie im biang. Sa tang kumba shi bnai duna ei ka jingrakhe ïa ka sngi pynneh mariang ha shityllup ka pyrthei ka la poi hynrei haba phai sha ki paidbah ka jylla haduh mynta tang khyndiat eh ki nongshong shnong kiba la sdang ban sngewthuh ïa ka jingkordor jong ka mariang, ki khlaw ki btap ha kaba ki trei shitom bad ïaleh katba lah ban thung da ki dieng ha sawdong jong ki kper ki phrah khnang ban pynjyrngam pat ?a ka mariang.
Ym lah ban len ba na ka por sha ka por ka sorkar ka ju pynshlur ïa ki paidbah ba kin pynneh pynsah ïa ki khlaw ki btap bad ban tyngkai ?a ka mariang da kaba thung dieng man la u snem ha ka sngi ha ka sngi jong ka jingrakhe ïa ka World Environment day da kaba bei pisa ruh lyngba ka skhim MNREGS ba baroh ki Area Employment Council bad ki Village Employment Council ha ki shnong bapher bapher jong baroh ki district kin thung dieng.
Nalor kata ym tang ka sorkar kaba pynshlur ïa ki paidbah ban pynjyrngam ïa ka mariang hynrei wat ka Khasi Jaiñtia Presbyterian Synod Sepngi ruh ka la buh kyrpang ïa kawei ka sngi u Blei kaba hap ha ka taïew ba nyngkong jong u bnai Jylliew man la u snem ba ki Balang kin rakhe kyrpang kum ka sngi pynneh mariang.
Haba phai ha ki jaka hapoh ka West Khasi hills district la lap ba ki don tang khyndiat ngut ki briew kiba la sngewthuh bad burom ïa ka mariang da kaba thung da ki dieng ha baroh sawdong jong ki kper jong ki katba ka jingpom pathar ïa ki khlaw ka nangjur kat nang mih ki sngi. Haba pyrshang ban ai jingmut ba kin kiar na kaba pom pathar ?a ki khlaw ki btap bun kiba kren ksan da kaba ong ba lada pom ïa ki khlaw tang hadien shi snem ar snem ki khlaw ki la rben biang hynrei lada bishar pat ki don shibun bah ki jaka kiba shien ba la pom pathar bad pynsynlen ?a ki khlaw satang ki shiah bad ki sañium kiba mih ha kitei ki jaka.
Nalor kata ki don ki trai khyndew kiba shu die pathar ïa ki khlaw ki btap ban thied khyndew ha ki jaka ba la kham long sor bad ban shna ?a ki ïng ki sem ban ?oh kamai suk hadien habud hynrei kim sngewthuh ba lada ka mariang ka jot ka jingktah kam dei tang ïa ki hynrei ïa baroh ki paidbah ha ka jylla hi baroh kawei.
