Shillong, Naiwieng : U MLA ka Mawlai u Bah PT Sawkmie ha ka sngi Palei ba la lah u la plie ïa ki ar tylli ki kamra klass jong ka Umsaw Mawjynrong Sec. School kaba la mang na ka MLA skhim (SRWP) kaba kot sha ka 4 lak tyngka.
Ha kane kajuh ka sngi la rakhe ruh ïa ka advance Children Day da kaba pynkup burom ïa uwei na ki khynnah skul ba la pass matrik na kane ka skul u samla Labinstar Khongsngi, ki la pynkup burom ruh ïa u President barim ka Managing Committee u bah K. Kharumuid, ïa u secretary barim u bah B. Dohtdong bad ia u Rangbah Shnong bah R.Mawthoh.
U Bah PT Sawkmie ula sam ruh ïa ki jaiñ kup sha ki longkmie ka shnong Umsaw Mawjynrong. La pyniphuh ïa kane ka prokram da ka jingrwai bad jingshad na ki khynnah skul, na ki nonghikai bad la ïoh ruh ïa ka jingput bisli kaba sngewtynnat bha na u bah Shemkloi Sing Rynjah.
La ïoh sam ruh ïa ki prize sha ki khynnah jong kane ka skul kiba jop ha ki jingïakob bapher bapher da u MLA kum u Kongsan bad u Symbud kongsan u bah Wanseng Jyrwa bad kiwei ki nongïalam.
U bah PT Sawkmie, u la pynpaw ka jingsngewkmen ban ïoh plie ïa kine ki ar tylli ki kamra klas, ka ban long jingkyrkhu bakhraw ïa ki khynnah skul.
La ïoh ruh ïa ka jingkren na u bah Wanseng Jyrwa kum u symbud kongsan, na u Headmaster ka skul, u bah Bynroplang Dohtdong, na President ka Managing committee bah Danny Mukhim, na bah Homer Kharkongor, working president ka UDP, na u rangbah shnong bah R. Mawthoh.
