Shillong, Nailur 24: Ka sor Shillong kan mad ïa ka jingtyrkhong um ha kine ki ar sngi ban wan namar ka jingkhang dam ïa ka Greater Shillong Water Supply Scheme (GSWSS).
Katkum ka kyrwoh khubor la ong ba kane ka jingtyrkhong um kan long ha ka 25 bad 26 tarik Nailur namar ka jinglaw ïa ki pipe ban pynkynriah sha ka jaka pynïaid lynti ba thymmai namar ka jingshna pynheh ïa ka surok Shillong-Dawki (NH-40).
Ïa kane ka kyrwoh khubor la pyntip da ka Ophis Chief Engineer, PHE BN Lyndem haba pyntip ba kan nym don satia ka jingpynpoi um ha Nongbah Shillong bad ki jaka ba marjan.
