Angnud ka Myntdu Pynthorneiñ FW&PO ban pynlong Eco Agro Tourism ïa ki pynthor kba

0

Jowai, Risaw 21: Ka Myntdu Pynthorneiñ Farmers Welfare and Producers Organization (MPFW&PO) kala angnud dik dik ban pynlong ïa ka bynta jong ki jaka rep kiba paw bha naduh Tyrchi haduh ki bynta jong Syiem Myntdu ha ryngkat ka jingdon lang ki jingthaw baim kum ki dohkha, ki mrad ki mreng ki jingthung ba bun jait kaba ki khot ka ‘Eco Agro Tourism’.
Mynta ka sngi na ka liang ka seng kala ïoh ban sam ïa u symbai phan bala ïoh na u Dr. D Paswet uba dei peit ïa ka ophis treikam jong ka KVK West Jaiñtia Hills District, Wahiajer. Ïa kine ki synbai phan la sam sha ki 30 ngut ki nongrep jong ka shnong Khliehtyrchi ha Mihmyntdu bad ha Myntdu Pynthorneiñ, West Jaiñtia Hills District.
Hashwa ban sam ïa u synbai phan la ïoh ka jingkren da u President ka MPFW&PO ma Pynchngain Rymbai uba la pynsngew ba ka ophis KVK kala dep ban ai jinghikai ïa ki nongrep halor ka rukom rep phan, haka juh ka por ula kyntu ïa baroh ki nongrep hamar ba wan pynpoi ïa u kba sha ki ïing, la donkam ban sdang thung sa ïa u phan namar ynda la poi ka por rep kpa ka kyndew kala long lypa kaba sboh.
Na ka liang u ma Khroo L Pariat uba long ruh u nongai biud ai mudia ïa ka seng ula pynpaw ka jingai khublei ïaki nongrep kiba don ka jingïatreilang ryngkat bad ki ophis sorkar jong ka rep ka riang kiba la pdiang ruh ïa ka jingai jingmut ban sdang ïa kane ka kam rep hadien bala dep rep ïa u kba da kaba thung ïa ki jhur ne u phan ha ki por tlang kumba la leh ha Myntdu Pynthorneiñ.
Ula pynkynmaw ruh ba ka sorkar jylla ha kine ki bnai kiba la dep kala ai da ka song pisa kaba san hajar tyngka sha ki nongrep ban pynbha ïa ka rep ka riang, kumta ula ong lada kum ki nongrep kim nang ban pynïaid kam ïa katei ka pisa ka lah ban lut tang hapoh shisngi.
Ula pynsngew ruh kum ki nongrep ha Myntdu Pynthorneiñ kila ïoh ïa u synbai Kba, ki symbai jhur na ka ophis treikam jong ka Agriculture bad ka KVK WJH ki dei ban don ka mynsiem ban pynkiew shuh shuh ïa ka kam rep kam riang.
Na kine ki mar rep kiba lah dep ban thung ki nongrep kila ïoh lad ban leit die ïa ki kumba long ïa u Kba symai CAU R1 ha kine ki bnai ba la dep sha ka ophis Agriculture.
Hadien ba la dep sam ïa une u synbai phah la ïoh ruh ki kyntien ai khublei da u ma Pyntngen Kyndait General Secretary ka seng uba la ai khublei kumjuh ïa u Dr D. Paswet na ka KVK West Jaiñtia Hills.

Leave A Reply

Your email address will not be published.