Shillong, Nohprah, 03: Hynriew ngut ki Ophisar bad 9 ngut ki langrut jong ka Meghalaya Civil Defence & Home Guards Organization ki la shah pynkup burom da kaba ïoh pdiang ïa ka Commendation Disc bad Certificate na ka ophis Director General Civil Defence, Ministry of Home Office, New Delhi ha ka 61st Raising Day jong ka tnat Civil Defence and Home Guards.
Ki hynriew ngut ki Ophisar ki long u Joint Director ka Civil Defence Meghalaya u M K Sangma, u Joint Commandant General of Home Guards, Meghalaya u Bah RP Khongwar, u Senior Staff Officer jong ka Directorate of Civil Defence & Home Guards, Meghalaya u Bah B Mukhim, ka Commandant jong ka Central Training Institute, CD &HG ka Kong B. Kharkongor ka la ïoh pdiang ïa ka khusnam DGCD, MHA, New Delhi, Gold Disc, u Divisional Commandant jong ka Home Guards, Shillong u Bah PH Shylla bad u Junior Staff Officer, Directorate of Civil Defence & Home Guards, Meghalaya u Bah G Kharumnuid ki la ïoh pdiang ïa ka khusnam DGCD, MHA, New Delhi, Silver Disc.
Khyndai ngut kiwei pat ki langrut ki la ïoh pdiang ïa ka khusnam DGCD, MHA, New Delhi, Bronze Disc.
Haduh 225 tylli ki Commendation Disc & Certificate la ai khusnam da ka Ministry of Home Affairs ha kane ka sngi.
