Ai khusnam ka Jaiñtia Students Movement ïa ki 29 ngut ki samla kiba la pas bha ha ki eksamin

Jowai, Nailur, 08: Ka Jaiñtia Students’ Movements (JSM) Central Body, hynnin ka sngi 07/09/2024 lyngba ka Education Cell kala ïoh ban sam khusnam sha ki 29 ngut ki samla pule kiba pass bha haki Exam bapher bapher naduh kiba Pass ïaka SSLC, HSSLC bad kumjuh ïaki Bachelor Degree, jong u snem 2024 kiba la kynjoh shaka 80% shajrong.
Ha kane ka Program la ïadon lang naduh ki Nongïalam Central Body jong ka JSM CEC, kumjuh lawan sakhi da u DSO Jowai kum u kongsan ha ryngkat ki riew pawkhmat ka thaiñ, kumjuh ki Nongïalam jong ki seng bhalang bapher bapher, la ïadon lang ki longkmie longkpa jong kitei ki khynnah kiba pass bha ha kane exam.
Ïa ka Prokram la pynïaid da Secretary JSM Eastern Region u bah Arwankijuh Dkhar, la ïoh ki kyntien pdiang burom na Education Secretary Central Body, bad la ai ki kyntien maitphang bad kyntu kynpham ïaki Samla pule na u President Central Body JSM Rangbah Leningstar Rymbai.
Loh ki jingkren naki ba bun ki Nongïalam kumjuh ki kyntien sneng na u Kongsan uba dei u DSO WJHD Jowai, kumjuh na kiba shah khot sngewbha sha kane ka Prokram.
Ka jingthmu jong ka JSM ban ai ïaki khusnam ka long shi bynta ban ai mynsiem ïaki Samla ba kin nangïaleh bha haki kyrdan pule bapher bapher jong ki.
Ka khubor naka JSM sha ki Samla Pule ka dei ba kum ki khynnah pule kim dei ban pyndonkam bakla ïaki lad pathai khubor, kumjuh ruh kim dei ban shahrem haka thma pyrkhat ba ka jingduk jing kyrduh namar kim lah ban khanglad ïaka mon jong u Kynrad. Ka JSM ka kyrmen ba lyngba jong ki samla pule kin lah ban saiñdur ïa ka lawei ka ri, kum ki païa baskem jong ka Bri u HynñiewTrep.