Ai khublei Khristmas bad Snem Thymmai ka Hynniewtrep Border Disputed Redressal Forum (HBDRF)

Jowai, Nohprah 23: Ka Hynñiewtrep Border Disputed Redressal Forum ka ai Khublei Khristmas bad Snem Thymmai basuk bakmen ïa baroh ki paid nongshong shnong jong ka Bri U Hynñiewtrep. Khamtam eh ïa ki paradoh parasnam kiba shong ba sah haki thaiñ khappud kiba mad ïaka jynjar ka sohsat haka jingim jong ki. Ka Forum ka phah ïaka khubor sngewlem Khristmas bad Snem Thymmai kyrpang ïaki ba ha ïing ha sem jong ki lanot kiba shah siat ïap haki pulit Assam haka shnong Mukroh kaba lajia haka 22.11.2022.
Kum ki diengkper jong ka Ri bad ka jaitbynriew, ki paid nongshong shnong haki thaiñ khappud kila mad ïaka jynjar ka sohsat kaba tang maki kiba la mad hi ba lah ban sngewthuh. Ka jingïaleh jingïaksaid ban ïoh ïaka hok long briew man briew, ka hok long trai man trai halor ka khyndew ka shyiap u pud u sam, ka roi ka par bad ka shongsuk shong saiñ ka dang jngai. Kum ka Forum kan ïeng ïaleh bad kan ïai don ha syndah jong ki paid nongshong shnong kiba mad ïakane ka jingeh.
Ai ba kane ka Khristmas kan wanrah ïaka jingsuk jingkmen, haka dohnud bad ka mynsien jong ngi. Wat langi duk haka spah pyrthei, hynrei U Blei Trai Kynrad Un pyndap ïangi daka spah Mynsiem. Ai ba ka mynsiem ieit ri ieit jait bynriew kan nang rhem haka dohnud ka mynsiem jong ngi ba ngi lah ban ai ïaka ba bha tam naka bynta ka ri bad ka jaitbynriew!
U Snem Thymmai ba suk ba kmen, ïa baroh ! Ai ba U Blei Trai Kynrad Un Wanrah ïaka synshar khadar kaba hok kaba khuid bad ban pynïoh hangi ïa u pud u sam uba ngi khmih lynti daki phew phew snem!
KA KHRISTMAS BASUK
BAD SNEM THYMMAI BAKMEN ÏAPHI BAROH!