Ai khublei ka WJDSA ïa ma Wailadmiki Shylla, kular ban kyntiew ïaka khusnam Super Division
Na ka 50 hajar sha ka 1 lak ïa ka Lahduh, na ka 30 hajar sha ka 50 hajar Runners-up
Jowai, Nohprah 17: Ka West Jaiñtia Hills District Sports Association (WJDSA) ka pynpaw ka jingai khublei kyrpang ïa u MLA ka Jowai Constituency u ma Wailadmiki Shylla uba la kular ban kyntiew ïa ka song pisa jong ki nongjop ha ka kyrdan Super Division Football Tournament kaba la pynïaid da katei ka Association.
Ïa kane ka jingkular u ma Wailadmiki Shylla ula pynsngew ha ka sngi pynhap pyrda ïa ka jingïalehkai phainal jong ka kyrdan Super Division Football Tournament 2023 kaba la tip ‘U Kiang Nangbah Memorial Trophy 2023’ kaba la long hynnin ka sngi Saitjaiñ 16 tarik.
Na ka liang utei u MLA la Jowai ula pynsngew shi bynta ban pynkiew ïa ka kam ïalehkai phutbol ha kine ki sngi ban wan, ula kular ban ai jingïarap (sponsor) ha ka ban kyntiew ïaka song pisa naka T.50,000/- San phew hajar tyngka sha ka T.1,00,000/- Shi Lak tyngka ïa ka kynhun Champion bad naka T.30,000/- lai phew hajar tyngka sha ka T.50,000/- San phew hajar tyngka ïa ka Runners-up. Ïa kane ka Cash prize kan ïai neh katba u dang long kum u MLA.
Ha ka juh ka por ka WJHSA ka kitbok kitrwaing ïa u MLA ba u Blei Trai kynrad un don ryngkat bad u ba un ïoh ïa ka met ka phad kaba koit kaba khiah, khnang ba un dang lah ban trei naka bynta ban pynroi ïa ka Constituency bad kumjuh ruh ha ka jylla hi baroh kawei, pynkut ka kyrwoh ba la phah.