Jowai, Jymmang 26: Ka Khasi Students’ Union (KSU) Education Cell, West Jaiñtia Hills District Unit ka ai khublei kyrpang sha baroh ki khynnah kiba pass bha ha ka eksamin HSSLC, 2022 ïa kaba ka dep ban pynbna da ka Meghalaya Board of School Education mynta ka sngi ia ka result jong ka Higher Secondary School Living Certificate (HSSLC) jong ka Science stream, Commerce Stream bad ka Vocational.
Ka seng kala ai mynsiem ïa baroh da kaba ong ‘kam don jingjop khlem ka jingrem’, kumta ha ka juh ka por ka ai mynsiem ruh ïa kito ki bym lah ban leh bha ha kane ka kynti, hynrei kin dang ïai bteng ban trei shitom ha ki snem ban wan ban ïoh pat ïa u soh jong ka jingjop.
U samla Tynshain Krem uba dei u Education Secretary KSU West Jaiñtia Hills District Unit ula pynsngew ba ka jingjop jong ki samla ha kano kano ka kam ba ki trei dei ka jingkyrkhu bad ka jingmyntoi ïa ka Ri bad ka Jaitbynriew hi baroh kawei.
