Jowai, Nailar 05: Ka Seng Jaiñtia student’s Union (JSU) Syndai Unit ka pynpaw ïa ka jingsngew kmen kaba khraw hadien bala urlong ka jingdawa ban kylliang noh ïa u Tranfomer uba la duh mynta la 3 bnai eiei ha ka Shnong Syndai West Jaiñtia Hills District bad mynta kala ïoh biang da u tranfomer ba thymmai uba lah ban treikam pura.
Ha kaba nyngkong eh ka ka seng ka kwah ban ai ka jingkhublei shibun eh ïa ka Dorbar Shnong Syndai baroh kawei kaba la kloi ban ïa treilang bad ka Seng ban dawa kylliang ïa u Transformer ba sniew.
Ka seng ka ai ruh ka jingkhublei ïa ki sahep sorkar naduh u Director (Distribution), ïa u Executive Engineering Jowai, u Assistance Engineering Amlarem jong ka MePDCL, u Deputy Commissioner jong ka West Jaiñtia bad kumjuh ruh ïa u Local MLA ka thaiñ u ma Lahkmen Rymbui kiba la ïaleh shitom ban pynïoh biang ïa u tranfomer uba thymmai hapoh shnong Syndai wat hapdeng ki jingeh ki jinghiran kiba ka tnad MeECL kaba ïa kynduh na ka por sha ka por.
