Jowai, Naitung 15: Ka Sengkhihlang ka ai khublei Behdeiñkhlam basuk ba kmen ïa ka Seiñ Raij Tuber, ka Behdeiñkhlam jong ka Seiñ Raij Tuber kadei ka Behdeiñkhlam kaba heh duh haph ka jylla Meghalaya ha kaba ki khun jong ka Seiñ Raij Tuber ki shong ki sah ha kylleng ka bri u Hynñiew Trep Hynñiew skum.
Kumta ka Sengkhihlang ka kitbok ki rwiang ïa baroh ki khun ka Seiñ Raij Tuber, ba kane ka leh ñiam Behdeiñkhlam kaba la sdang naduh ka 14/07/2023 bad ka ban kut haka 17/07/2023 ha ka Aitnar jong ka Seiñ Raij Tuber.
Na ka liang ka seng ka kitbok lyngba kane ka jingpyndep ïa ka jingleh ñiam la khmih lynti ba ïa ka pang ka shitom kan beh ïa ka sha jngai bad ki khun ki hajar jong ka Seiñ Raij Tuber kin ïoh ïa jingkoit jingkhiah bad kumjuh ïa ki khun ka bri u Hynñiew Trep Hynñiew skum bad lyngba kane ka jingleh ñiam kan wan rah ïa ka shong suk shong saiñ hapoh ka shnong ka thaw ka im lang ka sahlang. Kane ka long katkum ka jing pyllait khubor u ma S. Sari Publicity Secretary ka Sengkhihlang.
