Shillong, Ïaïong 06: Ka Khasi Students’ Union Nongmensong Unit myn ha ka 5 tarik u Ïaïong ka lah ai sngewbha da katto katne ka jingïarap ka ban kyrshan sha ki san (5) ngut ki khynnah samla kiba lah pass ïa ki eksamin SSLC kiba lah pyn pule da ka seng.
Kumba shu pynkynmaw ba ka Seng ka lah sdang ïa kane ka Free Education Camp naduh u snem 2011 bad ka dang ïaid beit ïaid ryntih haduh mynta ka kynti bad ki don 24 ngut ki khynnah skul bad 5 ngut kiba lah pyndep ïa ka eksamin SSLC.
Ka Seng ka dap da ka jingkmen kaba khraw mar syn tip ka khubor haba ki khynnah samla ki lah ïoh ban kheit ïa u soh ka jingjop.
Ha kane ka jingïalang lah pynshngaiñ da ka jingdon ryngkat lang u Samla Shelkitbok Kharbani (Asst. Education Sect. C.E.C) Jeremaiah Pohtmi (President Nongmensong Unit) bad u Banjoplang Dkhar (Organising secretary Shillong Mihngi circle) ryngkat bad ki dkhot.
U president jong ka Nongmensong unit u lah pynpaw ka jingsngewkmen kaba khraw bad u lah pynpaw ba ka jingjop jong ki khynnah pule ha kane ka eksamin ka dei ruh ka jingjop jong ka seng hi bad ka kyrdop ka jing sdang ïa ki khynnah samla kiba lah lait ïa kane ka eksamin.
