Jowai, Nohprah 13: Ka ophis treikam jong ka District Mission Coordinator, SSA West Jaiñtia Hills ha ka thong ban kyntiew ïa ka pule puthi hapoh ka District kat kumba la buh thong bad pruid dak haka RTE Act 2009. Mynta ka sngi 13 tari u Nohprah kala pynlong ïa ka prokram ai jinghikai kyrpang na ka bynta ki Principal, Headteacher jong ki skul ha Inclusive Education Resource Centre (IERS), Mihmyntdu.
Ka thong jong kane ka prokram ka long ban pynshai bad pynsngewthuh ïa ki Principal, Headteacher jong ki skul shaphang ka kamram ki bor peit bor pynïaid jong ki skul ha ka jingïadei bad ki khynnah ba don jingduna ha ki dkhot met (CWSN) bad ruh kyrpang shaphang ki Hok jong ki khynnah kat kam ka RPWD Act 2016.
U L.K. Singh, District Co-Ordinator IE, SSA West Jaintia Hills haba kren kum u riewshemphang ula ïathuh ba don lai tylli ki skul kyrpang na ka bynta ki khynnah ba don jingduna ha kiba tip kum ka School for Mental Retardation/Mental illness, School for Visually Impaired bad ka School for Hearing Impaired.
U ong ruh ba hapoh ka Jylla ki skul kyrpang na ka bynta ki khynnah ba don jingduna ki dang duna bha wat la katta ruh katba kot la i bor kum ki briew ka SSA kila ïaleh ban ai ka jingshakri ba bha tam ïa ki khynnah da kaba buh ïa ki IE Volunteer bad ki BRP-IE ha man ki Block.
Shuh shuh ula kren bad batai bniah ruh shaphang ka National Trust Act bad ki 21 tylli ki jait jingpang kiba pynhap hapoh ka RPWD Act 2016.
