Nongpoh, Naitung, 05: Ban ai jinghikai halor shibun ki skhim sorkar kiba ai jingmyntoi na ka bynta ki nongrep ba hap hapoh ka tnad Horticulture, ka ophis ka National Horticutlure Board, Guwahati da ka jingïatrei lang ka ophis ka District Horticulture Officer ka Ri Bhoi ki la pynlong ïa ka prokram ai jinghikai ba kyrpang ban ai jinghikai halor ki kam ai jingmyntoi na ka bynta ki nongrep lyngba ka tnad treikam jong ka tnat Horticulture ha Ri Bhoi.
Ïa kane ka prorkam la pynlong ha ka 30 tarik u Jylliew 2023 ha phyllaw jong ka ophis ka District Horticulture Officer ka Ri Bhoi ha Nongpoh.
Kiba la ïa don lang ha kane ka sngi ki kynthup naduh ka Navanita Mahanta, Deputy Director, NHB, Guwahati, Ka Kong F Sun, District Horticulture Officer, ki ophisar na Bank ba kynthup naduh ka State Bank of India, Meghalaya Cooperative Apex Bank, Axis Bank, NE Small Finance Bank, ki nongrep, ki dkhot ka FPOs/FPCs, Cooperative societies bad SHG.
Ka jingthmu ba kyrpang jong kane ka prokram ka long ban kyntiew ïa ki nongrep ba kin tip ïa ki jingmyntoi ba la pyntreikam da ka NHB.
