Shillong, Naiwieng 5 : Ka Institute od Bioresources and Sustainable Development (IBSD) ka la pynlong ïa ka jingai jinghikai ïa ki nongrep ha Upper Shillong na ka bynta kumno ban rep ne thung ïa ki kynbat dawai kum u Swertia Chirayita (Chirayita) bad u Gaultheria Fragrantissima (Jathynrat). ïa kane ka prokram la pynlong da ka IBSD kat kum ka Himalayan Bioresources Mission hapoh ka jingïalam u Prof Pulok K Mukherjee, Director ka IBSD bad ka jingthmu ka long ban pynroi ïa ka jingrep ïa ki kynbat dawai ha kane ka thaiñ khnang ba kan ïarap ïa ki nongrep ban im ja na kane kine ki kynbat dawai.
Ha kane ka prokram la ai jinghikai ïa ki nongrep na ka shnong Mawbeh, East Khasi Hills District khnang ba kin nang ban rep ïa kitei ki jait kynbat daawai ha ki jaka rep jongki. Ha kane ka prokram la pyni nuksa ruh kumno ban sei ïa ka umphniang na u kynbat Jathynrat bad pyni ha ki nongrep kumno ban leh ïa kane ka umphniang. Kiba kum kine ki prokram la pynlong da ka IBSD ha kylleng ki bynta kane ka thaiñ shatei lam mihngi ka ri India.
